الاقصى
#navbar-iframe { height: 0px; visibility: hidden; display: none; }

Wednesday, November 08, 2006

يا عرب.. يا مسلمين.... اتفوووووووو


last updated (saturday at 6 AM )

 

فيديو من مظاهرة طلاب الاخوان بجامعة القاهرة يوم الخميس الماضي

كان الجامعة محاطة بما لا يقل عن 40 سيارة امن مركزى مليئة بالجنود وكان الجامعة قد اصبحت قلعة من قلاع العصور الوسطى التى يحاصرها الامن ويتجهز لغزوها ولا حول ولا قوة الا بالله..

ملاحظة.. الفيديو جودته قليلة وقصير لانه تصوير موبيل وصورت بسرعة لاني كنت مشغول قليلاً


حملة شباب اهل الجنة لنصرة مجاهدي فلسطين...

بفضل الله عزوجل ابلغنى المسئولون عن الحملة بان التبرعات تعدت ال 10 الاف جنيه في اقل من اسبوع..بالاضافة إلى بعض الذهب الذي تبرعت به الاخوات... والحملة لا تزال مستمرة...

نسال الله عزوجل ان يخلف على من انفق ويجعل هذا العمل في ميزان حسناته وان يتقبل منه.

 

شئ اخير: اعتذر لبعض الاخوة الذي كلمونى في الايام القليلة الاخيرة وقفشت عليهم بدون اى سبب.. بس فعلاً انا مكنتش طايق حد.. فاعتذر بكل قوة لهم ولكن فعلاً بدون قصد.. فانا كنت فعلاً مخنوق واصحابى كانوا مخنوقين اكتر منى فكنت بتخنق اكتر لما واحد يكلمنى وهو يائس ومش عارف يعمل ايه في الي بيحصل ده ومش متخيل ان حال الامة باة كده فمكنتش طايق اكلم حد..بس الحمد لله عندما علمت بمبلغ التبرعات امس فرحت جداً وخلانى اخرج من المود الي كنت فيه وحسيت من جديد ان الناس فيها خير كتير.. بعد ما كانت ناس كتير اوي فقدت الامل فيهم

 

updated (thursday at 10 PM)


وامعتصمااااااااااااااااااااااااااااااااااااااااااه


ااااااااااااااااااااه يا مسلمين...


فتيات بيت المقدس يخرجن لنصرة اخوانهم ... واولاد الخنازير ينكلون بهن....


لا تعليق... مش عارف اقول ايه والله....


الكلمة الوحيدة.... تخيل ان دي اختك!!!!


لسه برضه مش هتقاطع.. لسه برضه مش هتصلي الفجر.. لسه برضه هتنطقع عن الدنيا وتنعزل بدعوى طلب العلم وتتركهم لمصيرهم...


مش عارف بصراحة...  بس كلمة واحدة... لما نيجي نتسال ادام ربنا سبحانه وتعالى عنها وعن نساء العراق المسلمات.. بماذا سنجيب؟


هيكون ايه منظرك ادام رسول الله صلى الله عليه وسلم والكلاب بيعملوا في اختك كده...


اه يا امة تكالبت عليها الامم


حسبنا الله ونعم الوكيل


تفاصيل الخبر هنا


 


عاجل : وصلنى الان.. ان الاخ المجاهد احمد عوض من كتائب القسام قد استشهد في عملية قصف غادرة لسيارته.. والشهيد احمد عوض هو زوج بنت الدكتور الزهار... فبارك الله في هذا الرجل الذي ابى الا ان يزوج بنته الا لمجاهد.. وبالمناسبة الدكتور الزهار في مصر من اجل قضية الاسرى وقد تعرض لمحاولة اغتيال قبل ذلك وله ابن شهيد..فسبحان الملك القدوس..فهؤلاء هم قادة الجهاد الحقيقيون


 


 


updated (wednesday at 11 PM(


 


 


يا عرب يا مسلمين ........ اتفوووووو


 


img507/3074/phhnon11oi1.jpg 


 


والله ما عارف... مش عارف اكتب ايه.. ولا اتكلم اقول ايه.... اصحى النهاردة الصبح وانا رايح الكلية على صوت قناة الجزيرة وهي تعلن عن هذه المجزرة البشعة... 20 شهيد بينهم 7 اطفال و4 نساء... وعشرات الجرحى الذين بترت اطرافهم... اقف مذهولاً امام التليفزيون... مش عارف احس بنفسى.. امى تنظر وتبكي ولا تملك سوى حسبنا الله ونعم الوكيل... لا املك دموعي وانطلق كالمخبول إلى جامعتي.. قلت لعلى سارى تغييراً.. ولا امل .... كل واحد في حاله وكان لا شئ حدث...


 


اعود من الكلية لاشاهد الجزيرة في تغطية مباشرة.... مش عارف والله اكتب اقول ايه... مش  عارف اتكلم والام المكلومة تصرخ عبر التلفاز وتقول نحن نعانى الظلم من ثلاثة جهات.... الصهاينة... والعالم العربي.. والاسلامى..... ارحمووووووووونا يا عالم.. ولا الاخت الي فقدت امها واختها وكل عائلة عمها.... ولا الطفلة الي فقدت 13 من عائلتها.... مش عارف ... مش قادر......


 


حتى مذيعو الجزيرة الذين كانوا ينقلون المجزرة على الهواء كانت الدموع تظهر واضحة في اعينهم....


 


وكل في حاله.... اولاد .... (والله خسارة اخذ ذنب عشانهم) الحيوانات العرب .. مفيش حيوان منهم طلعت منه كلمة.... ولازال العلم الصهيونى البغيض يرفرف على نيل مصر.. بدعوى السلام... طيب يا شخص يا حقير انت عمل ايه ده في دماء اطفال فلسطين.. والله اقتربت نهايتك انت وكل الحيوانات الذين يحتلون مناصب مثلك...


 


الخنزير الفلسطينى محمود عباس.. يطلع يهاجم الصواريخ التى حررت غزة ويقول بانها عبثية يجب وقفها لانها تبرر للصهاينة... اخرص ايها الخنزير واجلس كالكلب الذي ينتظر ان يرمي له سيده الصهيونى والاميركي بعظمة ليلحسها.....


 


سيادة مرشد الاخوان العظيم... يكتفي باصدار بيان على الماشي... ما هو اخوان مصر على راي صديق من حماس يكلمنى بعد المجزرة.. اصبحوا بتوع بيانات وشجب وادانة..


 


الشعوب صامتة صمتاً غريب ولا تحرك... وكان المجزرة اصبحت شئ عادي... اكلم بضعة اصدقاء لي في الكلية فواحد يقولي طب وايه الجديد مهو كل يوم كده....ياااااه...دماء المسلمين هينة علينا ........


 


لا تنطلق اصوات شريفة الا من قلب المعركة والمقاومة التى صمدت وتصمد وستصمد باذن الله تعالى...


يظهر الاستاذ اسماعيل هنية رئيس الحكومة ليعلن بكل قوة وقف مشاروات الحكومة مع حركة الخيانة العالمية "فتح" ليتفرغ الجميع لمواجهة العدوان وليعلن ان العدو سيتحمل جميع النتائج...


يظهر مجاهد هذه الامة الاستاذ خالد مشعل حفظه الله... ليعلن على الملأ وبكل قوة ان على جميع فصائل المقاومة ان ترد رداً هادرا على هذا العدو الصهيونى...


يظهر الشيخ المجاهد نزار ريان عضو المكتب السياسي لحركة حماس ليعلن بكل قوة ويطالب الكتائب بالعودة للعمليات الاستشهادية...


 


ولا صوت يعلو فوق صوت المعركة.... مش قادر.. انا هسيب الصور تتكلم... فالصور لا تحتاج إلى تعليق...


وقبل الصور ساقول كلمة قالها شاب من القسام من قلبه...


يا مسلمين يا عرب........ اتفووووووو


وانا اقولها معه...


يا ملتزم ولم يتحرك قلبك.... اتفوووووو


يا قادة الاخوان.... اتفووووووووو (فيظهر ان اتحادات الطلبة اهم عندكم من مجازر فلسطين)..


يا سلفييين.... اتفوووووو.... وخليكم كده غرقانين في عزلتكم عن الامة وما يحدث فيها


يا كاتب هذا المقال........اتفووووووووو... وانت مازلت تعصي ربك وغير قادر على تظبيط نفسك واخوانك يقتلون......


يا من يفوته الفجر...... اتفووووووو.. فانت من يؤخر النصر عن هذه الامة...


يا من يشرب البيبسي بكل برود..... مليون اتفوووو... وانت تشرب دم اخوانك...


حتى العلماء.... لم نسمع عالم او شيخ او داعية تكلم عن ما يحدث... سوى الشيخ القرضاوي اكرمه واعزه الله


فاتفووووووو لكم جميعاً


فانتم جميعاً اشباه رجال.... فافسحوا المجال للرجال لكي يتكلموا..


افسحوا المجال لشباب واشبال القسام ونساء حماس ليعلموكم كيف تكون الرجولة


 


دماء أطفال ونساء المسلمين تغرق الشوارع .... ومازلنا في غفلة


 


img49/363/p72448040tl7.jpg


 



 


img49/4615/p72448025wh7.jpg


 


 













img509/3261/p72448082az7.jpg

 

img72/5187/p72448341kq1.jpg

باذى ذنب قتلت؟

والله هنتسال عنها يوم القيامة

 

تكلموا يا رجال هذه الامة

 

img116/817/pal10qm3.jpg

 





img296/7870/p0894110116279dy4.jpg

img394/9027/p0752011628129fa3.jpg

 


فقد حان وقت العمليات الاستشهادية


 



 


في النهاية معذرة للشدة ولكن هذا ليس وقت مزاح يا اخوة والله... فالدماء تنزف والانفس تستشهد... فالامر جد خطير... فكونوا على قدر المسئولية...


 


وإلى الذين سيدخلون من اصدقائى ومن القراء دفاعاً عن الاخوان.... اقول لهم فقط شاهدوا مشاعر اخوانكم في حماس وفي القسام على تخاذل الاخوان في نصرتهم.. هنا


 


ايضاً نذكر بان حملة "شباب اهل الجنة من اجل نصرة مجاهدي فلسطين" مازالت مستمرة حتى الان..... وبكل قوة بفضل الله تعالى ونسال الله ان يبارك في كل من يشارك فيها....


وللعلم الشباب يعلنوها بكل قوة... اموال هذه التبرعات ستذهب إلى كتائب عزالدين القسام... لنصرتهم في جهادهم... وليخسا كل الخونة... ولن نخاف من تادية واجبنا امام الله عزوجل تجاه اخواننا.... وليذهب كل امن الدولة إلى الجحيم.. واطلب من الجميع فعل مثلما فعل هؤلاء الشباب... فهذا ليس وقت خوف او احتياطات

Labels:

25 Comments:

At 12:23 AM, Blogger jowayreya said...

salamu 3alaykom,
ya bara2 5allik specified, w 5allik mpre practical,
bos ya bara2, ana 3arfa en dih moseba, bas dih moshkila mesh hatet7al ella on the long run, ya3ni homa el e5wan 3ayzeen yed5olo el ete7d leah, mesh 3lashan el esla7 w nefta7 esA felisteen??
bos ba2a ya bara2 3lashan mano3odsh ne3ayat 3ala el manazer, 3lashan howa dah elli e7na fal7een fih, the soln.s:
1- etaki ALLAH fi af3lak (bma3na 3am), salatak, ber waledeen, a5la2, 3ebadat........
2- 5alli dayman ur final big target is el 2ommah (which leads 2 el gannah).
2- esta5dim kol el wasa2el el mashroo3a lil wosool ela 2ahdafak, 7atta law fiha ta7ayol (zay elli 3amaloh el manar 3lashan yetsagello k 2osra fil koliya),
3- dafe3 3an el 7a2 w 2o5rog dafe3 3an ra2yak mahma kanit el zoroof.
4- lazem tekoon motafawek fi 7aga (fi ay 7aga, mesh lazem tetla3 el awel 3ala elkoliya).
5- tabara3 lil mogahdeen, w kate3.
and always remember anna l kol makam makal, ya3ni kol wa7ed men makano haysahem, e7na bensahem now fi moshkilit flisteen bel isla7 el seyasy fi baladna, b bensa3edhom bel felos, w bel mokat3a, ana mesh 3arfa el mofrood ne3mel eah???!!

 
At 1:49 AM, Blogger m_elmenofy said...

السلام عليكم يا براء...انا مش هاجى ادافع عن الاخوان و لا عن اى حد لاننا بلا نقاش مقصرين
لكن بنفس الوقت لازم تكو فاهم ايه الادوات البين يديك علشان تستغلها صح بدون ما يصيبك داء الشباب الدلئم"صيحات و دعاء و سخونه تليها انتكاسة و نوم و انت اكتر واحد عارف العيب "
احنا حقيقة بنعمل كل النقدر عليه...فعلا كل النقدر عليه و بنطرق جميع الابواب و لكن بنفس الوقت انت محاصر بشكل مقزز و مضيق عليك امنيا اقولك امثلة و ما خفى اعظم "فى الانتخابات كنت تقدم ورقة الترشيح تاخد بالايد التانية ورقة فصل اسبوع و انت تقديريك امتياز .. طيب بلاش انتخابات و انت ياسيدى داخل الكلية يسيب الكاسيات العاريات و يوقفك و يقرفك علشان ملتحى لحية خفيفة و انت فاهم طبعا ان اكتر ن كده بيحصل"..انا عارف ان حفت الجنة بالمكاره
لكن برضه انت مزنوق جدا و بتعمل التقدر عليه ..يعنى الوضع مش مستتب و انت مكسل لا انت مطحووون بمعنى الكلمة
ممكن التقصير ان الاخوة منزلوش مظارة الاسبوع ده علشان فلسطين فى القاهره لكن بص فى جامعة الازهرو بنها و الاقاليم بفضل الله عز و جل الشباب قايم بواجبه
و بفضل الله انت تطرق كل الابواب المتاحة زى ما اشارت الاخت جويرية "داء و جمع تبرعات و توعية و كل التقدر عليه المهم النفس الطويل
فى الاخر انا لا ابرر و لكنى اوضح و اضع الواقع بين يديك
اللهم اجعل غضبتنا لوجهك الكريم و حررنا من قيودنا لنصرة اخواننا المستضعفين و الاسلام , اللهم ارحم ضعفنا و اجبر كسرنا و اغفر تقصيرنا المذل لااخواننا
اللهم رحماك بهم اللهم رحماك بهم اللهم رحماك بهم....اللهم امين امين

 
At 6:20 AM, Anonymous amt allah said...

السلام عليكم ورحمه الله وبركاته
حسبنا الله ونعم الوكيل
صحيح كل الى بيحصل دة محدش عارف يقول فى ايه
لكن خلينا نتكلم بشكل عملى ...صحيح القلب يعتصر حزنا والعين تذرف دمعا كل يوم على اخواتنا وعلى خجلنا من انفسنا وحال الامه
ولكن اخى الكريم كل فجر يسبقه ظلام شديد
ووالهى الذى لا اله الا هو الى بيحصل دلوقتى ده هو بدايه النصر
لما نلاقى شباب فعلا خايفين على الامه كده لكن لازم اليقين فى الله وان الى بيحصل ده بيطهر صف الامه ويورينا حقيقه ناس كتير وقبلها حقيقه انفسنا
ومش هقدر ازيد عن كلام الاخت جويرية
الا اننا نتعلم دينا صح ..ونتعلم الرباط فى سبيل الله
تكون عنينا على الاخرة ونربى انفسنا ونجاهدها

السؤال الى نسأله لنفسنا دلوقتى هل الى بيحصل بيغير فينا للاحسن ..ولا بنقرا ونشوف ونسمع ولا بيفرق معانا
نحط خطه وخطوات ونجهز نفسنا بكل الوسائل الى ذكروها اخواتنا
لان المعركه لسه طويله ..والمهم الى يكسب فى الاخر احنا عارفين ان الغلبه للامه فى النهايه
لكن علينا دلوقتى اننا نشتغل على الكيف ..مش مهم كام الف واحد يخرج فى مظاهرة قد ما مهم يكون عندنا 100 واحد بيطبق دينه صح وفاهم القضيه صح وشايف هدفه وشغال عليه..وهكذا
وده الوقت الى نظهر لربنا ما فينا من خير وصدق نيه ونتضرع بالدعاء ونعمل كل الى علينا
اللهم نسالك الاخلاص ونسألك شهاده فى سبيك اللهم وحد صف الامه وقوى فى رضاك ضعفنا

 
At 11:31 AM, Anonymous ميت said...

يا اخ براء تعتقد ممكن نعمل ايه في سبيل نصره احواننا في فلسطين ، ونحن هنا مكتوفي الأيدي أيضا

هل تعتقد إن المظاهرات هي الحل ، إذا فلنحدد السبت موعدا للزود عن أنفسنا من أجل فلسطين

وفي النهايه عايز أيدك في كل إلي إنته قلته فوق ، إتفوووووو علينا كلنا
وبالذات أنا فأنا كنت عند زميل أمس وجاب لي بيبسي وشربتها ، إتفوووو عليه ألف مره

 
At 3:47 PM, Blogger jowayreya said...

salamu 3alaykom,
ana 3ayza 2a7ki 3ala mawkif 7asal: ana ro7t marra 7adart reception fil AUC kan 3an elli 7asal fi lobnan w falasteen, el mohem en el sewar kanet fazee3a wel nas 3ayatet, wel kalam........etc ok.
ba3d kida kano 3ayzeen yegama3o 200,000 LE men el nas elli 7adra, ta5ayal gama3o bas 65,000 wel mafrood en dih el AUC, ya3ni kol wa7ed ma3ah 3ala el2a2al aktar men 2 million, 3aref leah 3lashan 7aga men el2tneen: en homma ma3andohomsh e7sas, aw en el nas elli 3amalo el reception kano byel3abo 3ala nafs el watar elli enta ya bara2 btel3ab 3alih, ana mesh ba2ool ennak mabteshta3'alsh, ana 3arfa ennak bteshta3'al, ana ba2ool ennak mabetwasalsh el fekr dah lil nas,
work work work work work work
remark: howa elli 2al etfoo 3ala can el pepsi, 2al bardo etfoo 3ala elli makate3 w bysalli w mabyeshta3'alsh??! this is my piont
ana mesh did el mozahrat (ana basharek feha), w mesh did el mokat3a (ana ba2alli bfadl ALLAH ma2at3a 6 years uptill now), but all of this is non sense without working
mean by working (study, improve ur talents, ur comm skills,.....etc)

 
At 9:08 PM, Blogger shab masry said...

اه انا بتعرض لهجوم اخوانى كاسح مدمر على المسنجر والميل وهنا يعني.. طيب بصوا هنناقش بهدوء...

جويرية
1-مفيش شك ان الاخوان هم اكبر داعم للقضية الفلسطينيى ولحماس منذ نشاتها.. لكن عايزين تاملات في التاريخ كده.. في عهد حسن البنا كان التحرك نحو فلسطين اقوى بكتير اوى من دلوقتى.. طبعاً انا عارف ان في اختلاف في الزمن والبيئة لكن في الاخر هما كانوا بيتحركوا بكل قوة وبيخلوا الحسابات السياسية اخر حاجة في دماغهم.. ومع مرور الوقت هنلاقي ان الحسابات السياسية بدات تعلو شيئاً فشيئاً حتى اصبحت هي المسيطرة...ودي بات واضحة اوي في عهد التلات مرشدين الاواخر...

2- في رايي ان من سنة 2000 والاخوان مركزين بكل قوة على الجبهة الداخلية.. بينما سياستهم الخارجية فاشلة بامتياز (ده رايي) يعني مثلاً في الفترة الاخيرة شفنا دخول الحزب الاسلامي في العراق في الحكومة الطائفية التى تنكل وتقتل في اهل السنة مما حدا باغلب الفصائل المقاومة وحتى المعتدلة منها وعلى راسها الجيش الاسلامى في العراق يشن هجوماً عنيفاً عليهم.. وهم يمثلون الاخوان في العراق.. ولم نر موقفاً من الاخوان تجاه هذا..بالايجاب او بالسلب .. وكان المفترض موقفاً غليظاً من مجلس الارشاد او الاخوان تجاه اخوان العراق الذين طعنوا في ظهر الامة بامتياز باعتبار ان الجميع ينظر اليهم بانهم سنة يشاركون في هذه الحكومة وطعنوا في ظهر اخوانهم المجاهدين... وطعنوا في ظهر الشعب العراقي السنى بموافقتهم على الدستور الذي يقسم العراق...

وبرضه نفس الكلام بالنسبة لمراقب الاخوان في سوريا.. الي عمل جبهة مع خدام الخائن والسارق الاول.. بكل انتهازية.. وتركوا كل القيم والمبادئ واصبحوا على استعداد للتعاون مع الشيطان نفسه لاسقاط النظام.. وسمعنا في الفترة الاخيرة لقاءهم مع بعض المسئولين الامريكان لبحث هذا الامر.. فيتعانوا مع اعداء الامة من اجل اسقاط النظام .. فهل هذا يعقل مع اعترافنا جميعاً بدموية هذا النظام الديكتاتوري؟
وايضاًً في هذا لم نرى اى نقد من المرشد او مجلس الارشاد... وانا بصراحة مش عارف ايه الي بيحصل.. ولا هما فاكرين نفسهم اختصاصهم مصر بس ولا ايه الحكاية انا مش فاهم.. بس دي حاجات بسيطة تدل فعلاً على فشل سياسة الاخوان الخارجية والتى تحتاج إلى مراجعة شاملة لكي يتم تصحيح الوضع

 
At 9:18 PM, Blogger shab masry said...

3-لو بصينا باة على فلسطين وما عنيته.. طيب الحملة العسكرية مستمرة بكل دموية منذ ما يقرب الاسبوع ونصف... الاخوان افتكروا امتى يعملوا تصريحات شجب وادانة او يصدروا بيان... امبارح بعد المجزرة الي حركت الشارع شوية.. طيب ده ازاى انا مش فاهم.. هو الاخوان باوا زي الشارع بيصحوا وقت ما الشارع يصحى وبيناموا وقت ما بينام ولا ايه؟؟ ولو لاحظنا هنلاقي اغلب الحاجات والتحركات الاخيرة كده.. بعد ما تحصل حاجة تخلي الشارع يصحى

الاخوان بدون مبالغة اكبر تنظيم سياسي شعبى في مصر واكبر تنظيم اسلامي في العالم كله.. ويجب على المرشد ومجلس الارشاد ان يفهموا هذا جيداً وان يعوا المسئولية التى على عاتقهم وان هم مسئولين عن تنظيم عالمي ينتظر منهم الكثير وليس عن اخوان مصر فحسب.. فدي لازم تتحط في الاعتبار ان هما المفروض دايماً يكونوا في المقدمة بيصحوا الشعب مش بيصحوا مع الشعب ويناموا وقت ما ينام...

يعني مثلاً الاخوان بقالهم اسبوعين بيعملوا مظاهرات عشان اتحاد الطلبة فكروا يعملوا امتى عشان فلسطين.. النهاردة... والعدد كان كام واحد؟ لا يزيد على 300 شخص.. لا ادري كيف هذا؟
وجمعنا يعلم ان الاخوان لو حاطين الفكرة في دماغهم وعايزين يحشدوا ناس هيحشدوا الاف... في المظاهرة بتاعت النهاردة جه واحد صاحبي يمت بصلة قرابة مباشرة للمرشد.. وقالي شفت باة يالي بتهاجم الاخوان... قلتله بعد ايه ؟ وكام واحد موجود..فطبعاً العملية مكنتش على المستوى المطلوب

 
At 9:25 PM, Blogger shab masry said...

انا موافق على كل الي قلتيه يا جويرية في النقط الي كاتباها..
اما بالنسبة لممكن نعمل ايه... فممكن نعمل كتير اوي سياسياً... عشان انا معاكي ان المظاهرات مش كل حاجة.. بس في حاجات كتير اوي سياسية ممكن تتعمل والاخوان لو عايزين يعملوها هيعملوها .. بس للاسف زي ما قلت اغلب اهتمام الاخوان حالياً بالداخل وليس بالخارج.. وانا معاكي ان الجبهة الداخلية لما تتصلح هنعرف نظبط الخارجية.. بس بصى.. الجبهة الداخلية هتتصلح امتى... مش في اقل من 5-10 سنين.. في الوقت ده باة هنفض لما يحدث من حولي او اتحرك متاخراً مثل كل مرة ولا ايه بالظبط؟

بالمناسبة كل انتقاداتي هذه موجهة لقيادات الاخوان.. وليس لشباب الاخوان.. عشان انا عارف حرقة القلب الي بيعيشها الشباب لانى واحد منهم ولكن بفكر مختلف شوية... ان الناس فاكرة ان هو عشان يكون اخوان لازم يعمل سمع وطاعة ولا ينتقد ويقول هما فاهمين احسن مننا...

لا يا استاذ.. لما تشوف حاجة غلط لازم تقف وتنقتد وتقول ده غلط.. ويمكن ده احد اسباب اختلافي الرئيسية مع الاخوان.. ان المراجعة بتكون قليلة برغم الحديث الكثير عنها..
فيا شباب الاخوان اذا لم تتحرك القيادة مبكراً فتحركوا انتم ولا تنتظروا الاوامر...

كفاية كده دلوقتى عشان نازل:D:D و
ولما ارجع ابقى اكمل ان شاء الله

 
At 12:10 AM, Blogger m_elmenofy said...

سلام عليكم, هارد عليك نقطة نقطة باذن الله
بالنسبة لمقدمتك انا معاك جدا ان الحسابات السياسية تعلو الان و هى المسيطرة
بالنسبة لكلامك عن العراق انا سالت اخ فاضل عن ليه السلبية من مكتب الارشاد تجاه الاخوان فى الخارج و اجابانى كالتالى: كل قطر من الاقطار العربية و الاجنبية مسؤل مسؤلية كاملة عن القرارات الداخلية التى تخصه و ذلك لكونها تنبع من الواقع الذى يعيشونه هم .. فليس من المنصف انا نعيش هنا فى الراحة نتناول الفاكهة و نشاهد المجازر فى التلفاز ثم نعدل على قراراتهم.. كما انه ليس من المنصف ان ننظر لهم بعين النقض دون ادراك حجم المعاناة و التقتيل الذى يعانونه فى اوطانهم و الذى بناء عليه اتخذو تلك القرارات.... كما ان تدرك تماما ان لهم هيئات شرعية لديها من العلم الشرعى السلسم ما يؤهلهم لاخذ مثل هذه القرارات و بالنسبة لموضوع مراقب الاخوان فى سوريا بالذات فيحزننى ان ابلغك ان هذا ما وصلنا من وسائل الاعلام و هو ليس الحقيقة الكاملة فللاخوان ثوابت لا يتنازلون عنها ابدا بفضل الله عز و جل
بالنسبة لموضوع السمع و الطاعة دون مناقشة....المطلع الجيد يعلم ان اول ركن و الركن الرئيسى لدعوة الاخوان المسلمون هو ركن الفهم و بدونه لا تكتمل اركان الدعوة فبالتالى لا يوجد سمع و طاعة داخل صف الاخوان الا بعد الفهم و اكبر دليل على ذلك ان جماعة الاخوان ينتمى اليها صفوة المجتمع الفكرى من اطباء و استاذة الجامعه و المهندسين و الاعلاميين و رجال الاعمال ...الخ و كل هؤلاء لا تستطيع ان تتخيل انهم يتعاملون مع الامور بلا فهم...
و حتى لو اخطئ بعض الشباب فى التطبيق فهذا لا يعم فالكل رايه و يقوله و يناقشه و هكذا علمنا القيادات
و بنفس الوقت فالسمع و الطاعة لا يعيبنا بل هو سنة اخذناها من رسولنا الكريم و منسلفنا الصالح و لا يجوز لنا ان نتعامل من انفسنا فاذا تحرك كل من راى رايه صحيح ساد الهرج و المرج و الفوضى و كالعادة سقط الكثير من الضحايا
و كثيرا ما ننتقد اراء القاده و يظهر لنا فى النهايه نظرتهم البعيده
فى الاخر يا براء انا لا اقول ان جماعة الاخوان هم مجموعة ملائكية بلا اخطاء و احيانا يقع فيها اكبر المسؤلين بالجماعة فهم ليسو ملائكة بل بشر و انت تعلم جيدا انى انقد اذا رايت الخطا و لكن بنفس الوقت ادافع اذا رايت عدم موضوعية

 
At 3:09 AM, Blogger shab masry said...

بص يا منوفي.. طبعاً مفيش شك ان المفروض كل قطر يكون ليه هيئاته الشرعية الي تاخد القرارات... لكن هو في الاخر يتبع مؤسسة ومنظمة عالمية.. وكل ما يفعله يصب عليها في النهاية سواء لها او عليها.. فكل الي بيعمله بصب على الاخوان في الاخر.. وفعلاً تعالى نبص دلوقتى لكل الي بينتقدوا الاخوان هنلاقيهم بيركزوا على الحتة دي وعندهم حق... ازاى انا الي بقاوم في فلسطين والي شاركت في حروب كثيرة لتحرير الاوطان اشارك في حكومة تتبع المحتل... ثم ماذا استفاد العراق من مشاركة الحزب الاسلامي.. الكل يدرك الان وبكل قوة انه لا سبيل سوى المقاومة المسلحة.. وان ما انتهجه الحزب الاسلامي كان خطا.. والغريب ان هيئة التوافق السنية التى دخلت مع الحزب الانتخابات بدات الان بمراجعة مواقفها في الحكومة وبدات تفكر في الانسحاب منها لانها علمت انه لا جدوى منها ولا زال الاحزب الاسلامى مقتنع بما يفعله.. ولا حول ولا قوة الا بالله.. اذن هنا يحتاج الامر تدخل المرشد ومجلس الارشاد ليعلنوا بقوة ان هذا لا يمت لمبادئ الاخوان بصلة ... هذا شئ... ويمكنك ان تشاهد نقد الجيش الاسلامى في العراق وهو اكبر الفصائل المقاومة هناك للحزب الاسلامى على هذا الرابط
http://www.iaisite.info/index.php?id=1319

الشئ الاخر بالنسبة لمراقب الاخوان في سوريا البتنانوني.. لا يا منوفي معلش مفيش مبالغة ولا لاحاجة.. كلنا شفناه في بروكسل على الجزيرة وهو بيجتمع مع خدام وبيعلنوا معاً جبهة للخلاص من النظام في سوريا.. والامر لا لبس فيه مطلقاً...

فكان لزاماً من مرشد الاخوان ومن مكتب الارشاد ان يتدخل في هاتين الحالتين

بالنسبة للسمع والطاعة... فهذا لا جدال فيه من احسن الاشياء التى يتربي عليها شباب الاخوان.. وانا اقول بكل صراحة لقد افادتنى جداً... وابسط دليل على هذا لننظر إلى حماس وشبابها الذين تربوا على السمع والطاعة... سنجد ان اكثر افصائل تنظيماً وطاعة للاوامر وعدم خروج على القادة هو كتائب القسام.. فهذا لا شك واجب في التربية الجهادية .. التربية على السمع والطاعة... فانا لا استطيع ان انقد شئ تعلمت منه كثيراً

لكن الذي انقده هو سلوك بعض الشباب الذي يثق في قادته ثقة زائدة عن اللزوم حتى وان اخطا هؤلاء وارتكبوا اخطاء تستحق المراجعة.. واعتقد اننا تكلمنا في هذه النقطة قبل ذلك كثيراً.. فاتمنى ان تكون فكرتى قد وصلت اليك

 
At 3:14 AM, Blogger shab masry said...

الاخت امة الله...

بارك الله فيك على غيرتك على دينك ونسال الله سبحانه وتعالى ان يعز بك وبنا الاسلام والمسلمين

حضرتك قولتى كلمة انا دايماً برددها على طول.. اذا اشتد ظلام الليل اقترب الفجر..

وهذه حقيقة واقعة.. انا كنت منذ قليل مع اثنين من اصدقائى وكانوا محطمين نفسياً تماماً مما يحدث ويائسين.. وخلاص باة مفيش امل وكده.. لكن والله الامل موجود وسيظل موجود.. والقاعدة واضحة...
ان تنصروا الله ينصركم...
فلننصر الله لكي ينصرنا

 
At 3:21 AM, Blogger shab masry said...

ميت (محمد عادل)

هو اكيد يا محمد مش المظاهرات الي هتحرر فلسطين.. لكنها مهمة اوي.. وكما قال خالد مشعل في اخر مؤتمر صحفى عقده... قال نريد ان نرى الشعوب تتحرك من اجل فلسطين في الشارع فهي في غاية الاهمية لرفع الحالة المعنوية للفلسطنين واشعارهم بانهم ليسوا في المعركة وحدهم...

لكن هذا لا يعنى ان المظاهرات هي كل شئ هناك اشياء اخرى كثيرة مثل المقاطعة والالتزام الصحيح والتفوق والتبرع والدعاء والحاجات الي ذكرتها جويرية بالتفصيل في المشاركة الاولى.. وفي الاخر هذكر تاني بكلمة دكتور راغب السرجانى..
إن وجد الله في الامة صلاحاً فسيخرج من بينها صلاحاً

 
At 3:27 AM, Blogger shab masry said...

جويرية تانى...

في ساعات العواطف هيا الي بتتكلم .. مع بعض المنطق... لكن العواطف هي التى تغلب في وقت حدوث الازمة... والعواطف وتحريكها هي التى تخلق التحرك وتشعر الناس باهمية الحدث وتسخنهم من اجلهم.. وهذا ما اردت فعله بكل بساطة...
احنا في ازمة حالياً... ولازم الناس تحس بالازمة عشان يبتدوا يدورا على الحل الي كل الناس عارفاه.. لكن للاسف في ناس مش حاسة ان في مشكلة او ازمة اصلاً..

 
At 3:31 AM, Blogger shab masry said...

احنا بعدنا عن الموضوع الاساسي كتير.. مكنش الاخوان موضوعنا... احنا موضوعنا الازمة الحالية...

عموماً القول الفصل في مسالة الاخوان كتبه احد القيادات الشبابية للعمل الحمساوى.. نسبة إلى حركة حماس.. في مدينة رفح الفلسطينيى في غزة على هذا الرابط

http://www.palestinianforum.net/forum/showthread.php?p=883827&posted=1#post883827

 
At 3:08 PM, Anonymous ميت said...

أولا يا أخي شاب مصري ، انا أتعرض لهجوم شديد من بعض القيادات مش من الشباب :D ربنا معانا
يا أخ منوفي
عندما يخطا الإخوان في شيئ يجب أن نعترف بإننا أخطئنا ، ولا يكن أن نقعد نلف وندور ونبرر ذلك بأي طريقه كانت ، وهو ما أراه في كثير من شباب الدعوه ، إننا عندما يقوم أحد بمهجامه الإخوان يقوم برد شديد دون فهم إلي قدامه بيقول إيه .
الإخوان يخطئون ، نعم يخطئون فهم بشر والبشر يخطئ
هل من الممكن أن نصلح ذلك الخطأ ، نعم من الممكن جدا أن نقوم بإصلاح أي خطأ ناتج عن قرار أخذه الإخوان ، ودئما ما تأتي تلك الحلول من الشباب المتمرد " الإخوان المتمردين شويه "

نريد مظاهرات لمسانده فلسطين مثل تلك المظاهرات التي إحتلت ميدان التحرير في 30 مارس يوم سقوط بغداد

وعلي العموم يا أخ منوفي أنا إخوان

 
At 6:38 PM, Blogger m_elmenofy said...

اخى الفاضل ميت ...انا كنت بارد على براء
و قلت زيك بالظبط ان الاخوان مش مجموعة ملائكة فهم بشر و يخطئون بس واضح انك مكملتش قراية الرد
الحضرتك شايف انى لفيت و دورت فيه علشان مغلطش الاخوان ارجو توضيحه
و عموما انا مثلك يضايقنى جدا التعصب الاعمى
و بنفس الوقت لا افراط و لا تفريط
و الحل لا ياتى من المتمردين بل ياتى من المخلصين الذين احسنوا الفهم , فهم احرص على الدعوة
و عموما كما قال براء فالنعد لموضوعنا الاساسى الا و هو ازمتنا الحالية و كيفية الخروج منها
و جزاكم الله خيرا و تقبل الله منا و منكم

 
At 7:57 PM, Blogger sharkawoo said...

كلام حضرتك سليم في اجزاء كبير


ولكن دورنا الان ليس التفوووووو

ولكن نفوق هذه الامة

وبدل من ان نلعن الظلام

نوقد شمعة

 
At 1:57 AM, Blogger shab masry said...

ميت...

طيب كويس ياريس .. احنا في الهوا سوا يعني....:D:D:D:D


منوفي...

انت فهمت محمد عادل(ميت) غلط. هو قصده بالمتمردين يعني الي هما ساعات بيشوفوا موقف الاخوان قليل نسبياً لان ساعتها مثلاً يكون قادة الاخوان حاطين ي دماغهم حسابات سياسية معينة لا يقبلها الشباب الى هو شايف ان المصالح السياسية دي لازم تكون اخر حاجة نتكلم فيها...

وانا معاك في الكلمة الي انت قلتها يا منوفي.. ان النصر ياتى من المخلصين للدعوة والفاهمين لها... عشان كده احنا بنتلكم من منطلق خوفنا على هذه الدعوة

 
At 2:16 AM, Blogger shab masry said...

اهلا اهلاً..كبسة يارجالة.. امن المرشد وصل...

اهلاً بحضرتك يا استاذ شاركووو.. على فكرة يا فندم والله كله من ميت هو الي قالي اكتب كده.. انا ماليش دعوة والله يا بيه..:D:D:D:D:D:D:D

لا ياشاركوا بيه صورتك او قرابتك مع المرشد مش هتخوفنا .. احنا نتلكم زي ما احنا عايزين:D:D:D

طيب نتلكم جد...

اهلاً بيك يا شاركوو.طيب نتلكم جد.... بص يا حج.. احنا لازم عشان نفوق الناس يكون عندنا فهم للمشكلة واصلها.. وتحليلها وحلها يكون ازاى.. عشان لو حلينا مشاكلنا هنعرف نبص لمشاكل الامة ونحلها بطريقة صح

 
At 9:36 PM, Blogger jowayreya said...

salamu 3alaykom
i have 2 requests plz:
1- momken ya bara2 te2olli tafaseel 2aktar 3an 7amlit el tabaro3 dih 3lashan law 7ad sa2al?
2- momken teb3at 3ala el group te2ool en el ete7ad el 7or esA on monday 3lashan ana 3andi error?
thx

 
At 12:41 AM, Blogger shab masry said...

7amlet eltabro3at de 7mla 3mlha b3d elshabab we el25wat b3d ma shafo ely by7sl we 2alo en hma lazem ye3mlo 7aga.. el2wl kano 2 we b3den b2o 4 then 5 we b3d kdh kol wa7d entashr 7waleh we el7med lelah fe 1 week gabo 10000 gneh and 5 pieces of gold (tbr3t behm 25wat zyna we fe snna rbna yekrmhm)bfdl elah ta3la..

elflos de isa hatro7 le kata2b elqassam (elgna7 el3skry le7rket 7mas) bwaseltn ma...

lw 3ayza te3rfy ezay twsly lelshabab dol momken lma elmail bta3k yetsl7 2w fe elkolia fe 2y w2t isa 22olk...

by the way ana b3et elmail lel group 5las..

 
At 3:31 AM, Anonymous ميت said...

والله انا برئ يابيه ، مش أنا والله .

المهم يا أخ منوفي ، الإخوه أخطأو في أشياء معينه وكان للشباب رأي ولم ينفذ ولم يؤخذ به ، وإنه ثبت في النهايه إن رأي الشباب الأقرب إلي الصح

أما بخصوص كلمه متمرد ، فأنا لست أعني تماما المتمردي علي مبادئ الإخوان وعلي قيم الإخوان الجميله

بل أقول إن المتمرد هو ذلك الذي يتمرد علي كل العراقيل التي توضع أمامه ، والتي يكون له رأي خاص به من واقع مايعيشه وحيسه في الشارع ،ويقوله بكل حريه وبدون اي خوف.

وكذلك أخطات ياشاب مصري ، فإلي أنا بقوله إن الشباب المتمرد يضع الحسابات السياسيه أهميه ولكن ليس علي حساب المكاسب الذي سوف أخدها من الشارع .

بمعني ، إني لماذا إن قمت الإن بمظاهره من أجل فلسطين ، لماذا أقوم بها في الأزهر داخل جدران لن يراني فيها غير المصلين ، وللأزهر كل الإحترام والتقدير ، ولكن لماذا لا أنزل إلي الميادين الكبير في ساعات الزروه لأقول للعالم إني هنا موجود في المسجد وموجود في الشارع .

أعلم إن ليس التظاهر السلاح الوحيد ، ولكني أضرب به مثلا صغيرا.

ثم قدر الله وتم القبض علي 100 من الإخوان ، لماذا يسكت الإخوان بعد ذلك ، لماذا لا ينلزون إلي الشارع ويصعدون ضد النظان من اجل الإفراج عن إخواننا المعتقلين .

ثم نرجع مثلا علي أحداث القضاه ، كان كل مره الأخوان بينزلوا بقوه قدرها 3000 فرد تقريبا ؟ لماذا ، ومن المفترض إن كل عمل في الشارع بعدها بصعد أكثر وأكثر ومن المفروض إن العدد يزيد ، لماذا إذا لا يزيد ، لماذا نصر علي ال3000 فرد في كل مظاهره ، وعلي 500 في كل مؤتمر .

*ملحوظه هامه : كل مظاهره المتظاهرين بيتم تغيرهم ، يعني شوف بقي عندك كام واحد عنده إستعداد ينزل الشارع .

ألا وجب علينا أن نشعل الشارع بنار صوحتنا الإسلاميه ؟


نرجع لموضوعنا الأساسي ، انا بقترح عمل مظاهره حاشده في ميدان التحرير وندعي لها كل التيارات السياسيه من اجل دعم حكومه حماس والمطالبه بإدانه المجازر الصهيونيه المستمره ، وخاصه بعد عدم إدانه مجلس الأمن لها أمس

وأنا عندي إستعداد أنزل مكتب الأرشاد بصفتي الشخصيه وليس بأي صفه إخوانيه لدعوه الإخوان لنزول الشارع من أجل فلسطين

ملحوظه هامه جدا : من الواضح من الشغل في الشارع إنك لو صعدت ضد النظام بإستمرار زي ماهوه بيصعد وبترد عليه بشيئ اقوي ، النظام بيركع ، ومثال علي ذلك رضوخ النظام للتعديلات علي قانون الصحافه في عام 1993

وعذراإن تكلمت بشكل سياسي بحت

 
At 12:43 PM, Blogger shab masry said...

انا موافقك يا ميت على الي بتقوله.. وموافق اكتر على مظاهرة حاشدة بميدان التحرير.. واذا كان النظام لم يوافق للاخوان على مظاهرة بالالاف في الاستاد.. فلنجعلها في ميدان التحرير... ولنعلنا مظاهرة مليونية من اجل فلسطين.. وفي وسط القاهرة .. في ميدان التحرير..

واذا كان البعض سيتحجج بان المرور سيتوقف وبان البلد ستتعطل... ارد عليه بشييئن..
ما المشكلة ان نتعطل يوماً من اجل اخواننا الذين يقتلون ويذبحون امام اعيننا...

والشئ الاخر خلاص ماشي.. هنقلل العدد في ميدان التحرير ولكن لنعلنها مثلاً لن يقل عن 50 الف.. وليقوم الاخوان بمظاهرة مليونية في مكان اخر يتسع لكل هذا العدد في 6 اكتوبر مثلاً...

لكن نريد ان يشعر اخواننا باننا معهم.. لان فعلاً المظاهرات التى اقيمت في الفترة الاخيرة كانت صغيرة ومحدودة التاثير... مثلاً مظاهرة جامعة القاهرة اكبر جامعات مصر لم تتعدي 300 فرد.. هل هذا يعقل؟؟ ومظاهرة الازهر مهما كانت فهي في النهاية خلف جدارن واهملها الاعلام ولم يفرد لها الا اقل القليل في نشراته الاخبارية...

 
At 12:50 PM, Anonymous ميت said...

حسني بيه هيقفل التحرير يوم 19 لأنه هيروح في اليوم ده مجلس الشعب هيسلم علي الناس .
حدد الميعاد

 
At 2:31 AM, Blogger shab masry said...

ان احنا نحدد الميعاد يا ميت لوحدنا ده صعب.. والا هنلاقي 10-100 واحد بالكتير هما الي موجودين.. لازم القوى السياسية كلها تحدد ميعاد.. وبما ان تقريباً مفيش قوي سياسية بتمثل ثقل في الشارع السياسي غير الاخوان والاسلاميين عموماً.. بس مفيش قوى اسلامية منظمة تقريباً غير الاخوان.. يبقى الاعتماد كله على الاخوان .. وعلى قادته في الدعوة لمظاهرة مليونية من اجل دعم مقاومة الشعب الفلسينيي بعد التخاذل الذي ابدته كل القوى واولها الاخوان في الفترة الاخيرة.. حيث لم نر شيئاً الا القليل لدعهم فوجب لهم الاعتذار بهذه المظاهرة المليونية.. وعموماً انا مش فارق معايا الميعاد.. اول ما يتم تحديد الميعاد انا معكم باذن الله تعالى...
بس الله يكرمك يكون بعد يوم 24 عشان عندي امتحانات ميدتيرامات:(:(:(:(

 

Post a Comment

Links to this post:

Create a Link

<< Home