BAD MOOD

 

 

مش عارف.... مش عارف اكتب اقول ايه... حاسس انى متضايق ...حاسس حالتى النفسية في الحضيض... ساعات تحس انك متضايق ومش قادر تكلم حد...  يحصل موقف فجاة ينكد عليك اليوم كله..  تيجي حاجة صغيرة تخليه في اسوأ حالاته النفسية...

 

 تفتح التليفزيون تسمع اخبار عن فلسطين.. تلاقى مؤمرات لا تنتهى على اول حكومة اسلامية .. على حكومة الشهداء والاسرى... تقلب على قناة تانية تلاقى خبر عاجل.. استشهاد اثنين من مجاهدى كتائب القسام... تغير تلاقى كشف محاولة لاغتيال خالد مشعل.. قلبك يشتعل بالحزن بكل قسوة .. تتمنى لو بيدك فعل شئ لنصرتهم غير الدعاء والمال...

تقلب تلاقى قناة من اياهم وشباب عايشة في الضياع مش حاسة بالي حواليها... تفضل مغموم وقرفان طول اليوم وتروح قافل التليفزيون...

 

تقفل التليفزيون تيجي على النت... تلاقى فيديوهات تعذيب في اقسام شرطة في مصر ... تروح لموقع تانى تلاقى فضائح فساد بالمليارات ... تفتح مدونة لاحد الشباب المصري تلاقيه مهموم وبيبكى على اعز شئ لديه بعد دينه... بلده مصر... ام الدنيا...

 

تكلم كام واحد على المسنجر تسمع اخبار تغم الدنيا اكتر عن اصحابك وكل الي تعرفهم.....

 

تسمع اخبار عن صاحبك الي بيدوروا عليه في امن الدولة... وصاحبك الي متضايق منك عشان كلمته وحش لما طلبت منه حاجة ومعملهاش.. تجيلك اخبار اخوة واخوات واقعين في مشاكل عائلية واسريه...

تسمع اخبار عن صاحبك الي اهله اخدوا منه العربية وخنقوا عليه في خروجاته عشان ربى ذقنه...

تسمع اخبار عن الاخت الى اهلها منعوها من الخروج لحد ما تقلع النقاب..

يكلمكك واحد عنده مشاكل مع خطيبته ... ولا واحد ملتزم بيحب ومش عارف يعمل ايه عشان يتكلم ويتناقش معاك...

 

تقفل وتقعد مع نفسك... تقعد تفكر ..

 

تبص لنفسك تلاقى نفسك ضايع اكتر منهم...

حاجات كتير اوى مش عارف تعمل فيها ايه...

مشاكل مع اصحابك... مش عارف تعتذر ولا تصلحها ازاى..

اهلك الي مش طايقين انك مش بتقعد معاهم خالص في البيت..

والدتك الي نفسك تقعد تكلم معاها من زمان وتبوس ايديها ومش عارف..

نتيجك الى طلعت وحشة اوى واهلك متضيايقين منك اوى عشانها...

حدث قريب في غاية الاهمية بالنسبة لوالدتك وانت لم تجهز لاي شئ... ولا حتى فكرت بهدية....

نفسك تخطب ويمكن ادامك الفرصة بس مش مقتنع جوه نفسك بان الوقت مناسب...

اصحابك دايماً متعودين يشوفوك بتغلس على ده وتتريئ على ده عشان بتحبه... ولما ميحلصش كده يقلقوا ويحسوا ان انت فيك حاجة...بتحاول على اد ما تقدر تكون كده.. تحاول على اد ما تقدر تضفى جو من المرح على القعدة.. بس انت من جوه قلبك ينزف.. وحالتك النفسية سيئة...

يجي واحد يكلمك يقولك في ايه يابنى.. انت النهاردة فيك حاجة متغيرة.. مش من عادتك... في ايه؟؟؟.تحاول ان تخفى هذا بمزحة صغيرة وتتهرب من السؤال..

تحاول بكل قوة ان تخفى حزنك في بيتك لان والدتك كالعادة بحبها الشديد لك وحنانها عليك ... ستكتشف ...وبدافع الحب لك ستطلب بكل اصرار ان تعرف ما يضايقك .. وانت لا تعرف بالتحديد

مسئوليات كبيرة وكثيرة تحملها على ظهرك...

الجروب ده عايز حاجة معينة... وانت مسئول عن عمل تطوعى في مكان تانية.. ناس تالتة محتاجين منك حاجة تالتة...

ناس يكلموك عشان تشغل معاك في اعمالك التطوعية اخ واقع في  ازمة نفسية بسبب مقتل اعز اصدقائه في خناقة...وهما مش عارفين انك زيه في ازمة

من جوه قلبك حالتك النفسية سيئة... لكن تحاول ان تتهرب من هذه الحالة لكى تحفز الناس الي معاك انها تشتغل وبكل طاقتها...

اصحابك من زمان اوى من ايام المدرسة... يكلموك عشان تخرج معاهم.. وقافشين عليك لانك كنت مبتسالش عليهم بقالك وقت طويل اوى...

ناس كتير كانت معتمدة انك تدفعهم... بس هما مش حاسين انك الي محتاج حد يدفعك...

رمضان على الابواب.... وايمانياتك في اسوا حالتها...

مش عارف ازاى هتدخل رمضان بالشكل ده...

خايف يضيع منك رمضان وانت بحالتك دي...

تبص للشهداء الذين يسقطون كل وتقرا سيرتهم وتبكى من كل قلبك على نفسك... تعرف انه من المستحيل بهذا الشكل وبهذا الكم من الذنوب ان تصبح مثلهم..

حالتك النفسية تزداد سوءاً... تكلم واحد صاحبك يحاول يرفع من روحك المعنوية بلا جدوى...

يمكن تحصل حاجة تشيل عنك الشعور ده لفترة.. لكن يرجع تانى بكل قسوة...

تصلى في دجى الليل وتبكى تدعو من كل قلبك لرفع الغمة عنك وعن امة الاسلام..

بتفكر.. خلاص الدراسة قربت وانت معاك مواد من السنة الي فاتت...

ومنظرك وحش اوى... باة هو ده الملتزم النشيط الي كل الدفعة عارفاه يشيل مواد... باة هو ده المسلم الصح الى انت بتكلم عنه... مش خايف على منظرك اد ما خايف على مظهر المسلم الملتزم في عيون الاخرين..

تسافر يومين بره القاهرة بالعافية والاجبار من اهلك عشان مزعلهم... تقعد على البحر وتتامل في المنظر الرائع...... وتشكي له همومك....

لا تمل الجلوس.. ولكنك في نفس الوقت لا تعرف الحل...

تكتم همومك في نفسك لان الكثير يعتمدون عليك... ولان هذا ليس وقت الاخزان في هذه الفترة الصعبة

تغلق قلبك وترفض البوح بها.... لان هناك اشياء اهم...

تابى هذه الاحزان ان تكمث في قلبك الكثير من الوقت وتابى الا ان تنفجر... ولو عن طريق مقال بسيط في مدونة صغيرة تكتب فيها مقالاتك..

لتسالك بكل قوة لماذا هذا الحزن؟؟؟ وانت لا تعرف...

فقط كل ما تريده من اصدقائك.... التماس العذر لك...

من كل اخ او اخت قفشت او تعصبت عليه فجاة... قبول اعتذارى...

من كل شخص طلب منك شئ او ارسل اليك على ايميلك ولم تجبه... المغفرة..

محتاج تقعد تفكر .....وتفكر....

بس كل لما تفكر تزيد حالتك النفسية سوءاً...

لا تجد سبيل او مخرج لك غير الله عزوجل... لتدعو له..

بان يزيل عنك هذه ....

الحالة النفسية السيئة

وترجع تسال بكل قوة ايه سببها؟؟

 

ولا تجد اجابة....