وكمان مرة... في ستين الف داهية يا كريم

إن التعاليم الإسلامية التى جاء بها محمد قبل أربعة عشر قرنا يجب أن تواجه بكل شجاعة وجرأة ، يجب علينا أن نفضحها ونبين سوءاتها ونظهر للعيان مساوئها ، ونحذر البشرية من خطرها ، يجب علينا ( على إختلاف إنتماءاتنا ) أن ننظر بعين العقل الى هذه التعاليم التى تعمل على تحويل الإنسان الى وحش مفترس لا يفقه فى لغة الحياة سوى القتل والنهب والسلب وإغتصاب وسبى النساء

يجب علينا أن نعقد محاكمة لكل رموز الإرهاب والتطرف الذين إحتفظ لنا التاريخ الإسلامى بأسمائهم وأفعالهم الإجرامية بدءا من محمد بن عبد الله مرورا بصحابته سفاكى الدماء من أمثال خالد بن الوليد وعمر بن الخطاب وسعد بن أبى وقاص والمغيرة بن شعبة وسمرة بن جندب... وملوك بنى أمية وبنى العباس وآل عثمان

طالما بقى الإسلام على هذه الأرض فستفشل كل محاولاتكم لإنهاء الحروب والنزاعات والإضطرابات ، فأصابع الإسلام القذرة ستجدونها - كما عهدتموها - وراء كل مصيبة تحدث للبشرية

رمضان هو شهر النفاق

اهنئ كل من إحترم ذاته وإرتد عن الإسلام

الكلام ده مش واحد اجنبي الي قايله ... الكلام ده قاله واحد اسمه كريم... مدون ملوش اى لازمه ولا كان لاقي اى حد معبره.. فقال عشان اظهر اعمل ايه.. اقعد اشتم في الاسلام بمبدأ خالف تعرف.. وطبعاً بمجرد ما بدا يشتم في الاسلام اعظم ديانة على وجه الارض وفي الرسول محمد صلى الله عليه واسلم اشرف انسان ولد عليها.. بدا كل المشبوهون ينهالون عليه لكي ينشرونه بصفته الانسان المتحرر من الاسلام الظالم الذي يسبى النساء ويظلمهن... فبدات مواقع الاقباط المشبوهة تفتح له ابوابها لكي يكتب ما يريد .. وطلعت كام واحدة من اياهم لكي تشيد بشجاعة وعظمة كريم ...

الولد سيادته باة افتكر نفسه اخيراً باة مهم وباة ليه لازمة .. فقعد يتكلم على الحرية وافتكر نفسه المناضل العظيم... وعاش في دور سعد زغلول.. وقال انا الي هطهر مصر من الاسلام والعياذ بالله.... كان والده مدخله جامعة الازهر.. لما بدا ينشر الفكر الضايع بتاعه الطلبة عرفه ان هو شخص مش طبيعي عايز يظهر وخلاص.. فكذا مرة كانوا هيضربوه من كتر ما بيستهزئ بالاسلام امامهم.. والكلية طردته... واقامت عليه القضية بتهمة ازدراء الاديان...

لحد هنا والعملية نوعاً ما عادية.. فهو في النهاية واحد ملوش اى لازمة.. ومفيش اكتر من الهبل في الدنيا دي.. واللي عايز يتكلم يتكلم اصل الكلام مش بفلوس...

المشكلة باة.. لما الشرطة اعتلقته عشان تحاكمه بتهمة ازدراء الاديان.. لقينا سيادته عاملي حمله عشان يدافع عن الواد المظلوم كيمو الي معلمش اى حاجة (طبعاً عشان هو بيحمل نفس فكره).. برضه لحد هنا والعملية نوعاً ما ليست غريبة.. الغريب باة لما يطلعلى شوية مدونين ومدونات وينادوا بحرية الراي.. ويا حرام يا كيمو ظلموك وحبسوك واعتقلوك.. ونعمل موقع عشان حرية الاستاذ كيمو.. وننشر رساله بصفته المناضل الكبير الذي سيريح البشرية اجمع من الاسلام...

في ايه يا جماااااااعة؟؟؟؟

انتوا مش شايفين ان اللي ملوش لازمة ده بيشتم في اغلى حاجة لدى الانسان؟

انتوا مش شايفين انه بيشتم في رسولنا صلى الله عليه وسلم؟

انتوا مش شايفين ان هو بيسب في صحابة رسولنا وافضل رجال هذه الامة؟

واحد زي ده يتدافع عنه بمناسبة ايه؟

واحد ملوش اى لازمة مسيتحقش حتى ان حد يتكلم عليه اصلاً؟؟

ناقص بعد البنرات والموقع.. نعمله مظاهرة في التحرير على راي شكير...

المشكلة ان اغلب الي بيدافعوا عنه فرحانين بالديمقراطية وحرية الراي وووو ...

يا اساتذة يا مدونين... هو احنا انتقدنا الدنمارك ليه؟؟؟

وهو احنا انتقدنا القس الي بيطلع على قناة الحياة النصرانية ليه؟؟

يا اساتذة حريتك تنتهي عند بداية انف الاخرين.. ولما حضرتك تشتمنى وتشتم في ابويا وامى.. يبقى دي مش حرية تعبير...

ولما حضرتك تشتم في ديني الي هو اغلى عليا من ابويا وامى... يبقى اكيد دي مش حرية راى...

وياريت الي بيقوله بيكون شئ موضوعى.... لا ده قاعد بيشتم وبيهاجم من غير اى دليل...

ويجيب احاديث ولا سمعنا عنها قبل كده وتجي تدور عليها تلاقي مفيش احاديث بتقول كده ومتعرفش سيادته جايبها منين...

واحدة من المدونات هاجمتنى لما عرفت انى بنتقده وقالتلى مش عايزين كلام.. ردوا عليه... طيب وهو ايه الي في كلامه صح عشان ارد عليه اصلاً؟؟؟

ايه الي في كلامه بالادلة او بالبراهين او بالمنطق عشان ارد عليه؟؟

واحد لقى نفسه منبوذ قالك اكتبلى كام مقال عشان الناس تبصلى فراح رايح مهاجم الاسلام بكلام عبيط زي الي مكتوب فيه لا يدل على اى شئ الا على حقد مدفون وغيط مكتوم.. وصدق قول الله تعالى " قَدْ بَدَتِ الْبَغْضَاء مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الآيَاتِ إِن كُنتُمْ تَعْقِلُونَ " و"يُرِيدُونَ لِيُطْفِؤُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ "

الخلاصة انى استغرب موقف المدونين الي دافعوه عنه بدعوى حرية التعبير...وخصوصاً ان كان بينهم مدونين اسلاميين.. حرية التعبير يا جماعة مش اني اهاجمك واشتمك وخلاص... انت عايز ترتد عن الاسلام براحتك وانت الي هتتحمل العواقب في النهاية بخروجك من اعظم الاديان على وجه الارض.. لكن انك تهاجمه وتشتم فيه فده احنا مش هنسمح بيه ولو كان التمن ارواحنا يا استاذ####...

بس ده لا يمنع ان له الحق في محاكمة عادلة تماماً من جميع الظروف فالمتهم برئ حتى تثبت ادانته

وادي مدونة سيادته للي يحب يتفرج على الخزعبلات والشتائم في الاسلام الي مكتوبة.. بس منصحش لان مش ناقصها قرف بصراحة...

ودي واحدة من اياهم.. عملتك الواد مناضل وقعدت تالف قصة نضاله بين اسرته وفي شارعه وفي جامعته.. اسم الله يا عم المناضل الكبير.. بس معلش باة مهو كله بهيص... وبيضرب في الاسلام... من هوان الاسلام في نفوسنا يا مسلمين...

ودي مقالة شكير عنه الي جمع بعض مقالاته والي انا نقلت عنه الكلمات الي هو جمعها من مدونة الي اسمه كريم..

وده (علاء صاحب موقع علاء ومنال احد اشهر مواقع المدونين المصريين).. ولو شفتوا فوق على اليمين هتلاقوا حملة الدفاع عن استاذنا العظيم كيمو... بس على الاقل علاء رغم انه فكره بيماثل فكر كريم ده.. الا انه لم يهاجم الاسلام وهذه تحسب له.. فحرية اختيار الدين هي لك... اما الهجوم على الاخرين فليست لك مطلقاً...

من الاخر... لتاني مرة....

في ستين الف داهية يا كريم

بره الموضوع في السريع..

2- بعد الهيصة الي عملها الي اسمه كرم جبر بعد ما قال ان الحجاب زي طائفى وان النقاب زي دخيل.. وبعد ما سيادة رئيس جامعة حلوان طرد المنقبات من المدينة الجامعية... يطلع علينا النهاردة وزير الثقافة الي في منصبه ده بقاله اكتر من 18 سنة عشان يقول ان الحجاب عودة الى الوراء... وهذا طبعاً يدل على الرعب الشديد من الحزب الحاكم تجاه انتشار الحجاب والنقاب والصحوة الاسلامية بصورة رهيبة في السنين الماضية في كل المناطق من الراقية حتى العشوائية... ويبدوا انهم فاكرين ان مصر ممكن تبقى تونس وتمنع الصلاة في المساجد ويمنع الحجاب في الشارع... وهذا باذن الله لن يحدث الا على جثثنا... من الاخر... لو كانوا فاكرين ان هما هيقدوا يعملوا كده فهم واهمون... وبذلك هم يعجلون بنهايتهم.. فلن نقبل بهذا مطلقاً ولو كانت دمائنا ستسفك في سبيل هذا... ولن نتخلى عن مظاهرنا الاسلامية... ولن تتخلى اخواتنا وامهاتنا وزوجاتنا عن حجابهن او نقابهن ولو كان الثمن دمائنا ... او دمائهم... واظن ان الثانية هي الاقرب..

ودي صورة من تونس.. لرجل امن ينزع حجاب فتاة... وهي تستصرخ بالمعتصم.. ولكن لا معتصم في هذا الزمان...

واذا فكر النظام في تطبيق هذا في مصر... فاظن ان الرقاب ستتطاير... واولها رقابهم ومن ينحازون الى صفوفهم...

2- اعتذر عن عدم الكتابة بصفة منتظمة في الفترة الماضية.. واعتذر ايضاَ عن الكتابة الاسبوع المقبل ولكن ربما اضيف بعض الاخبار او عن فلسطين بسرعة في نفس المقال....لانى امر بامتحانات ميدتيرمات في الكلية ومطحون ولله الحمد ... فادعولي..وباذن الله لي عودة الاسبوع المقبل