مظاهرة التحرير
مظاهرة التحرير...
كانت مظاهرة جيدة... كنت في الميدان الساعة السادسة تماماً.. واول ما وصلت وجدت بعض الشباب بداو بالهتاف امام كنتاكى الي في الميدان... ذهبت اليهم بسرعة ووجدت الامن الذي كان منتشر في هذه المنطقة بكثافة يسرع اليهم هو الاخر.. تجمع الامن حولهم ليحوطهم... ولكنه فوجئ بالعدد الاكبر من المسيرة تخرج من الشارع الى جنب كنتاكى... فلم يعرف ظباط الامن ماذا يفعلون... وانضم التجمعين على بعض وانطلقوا وكسروا حاجز الامن نحو وسط الميدان... ووقفوا بين نفق المترو الموجود في المنتصف والرصيف... وللامانة فقد كان العدد هذه المظاهرة كبير... اعتقد انه تجاوز الالف شخص... وبين بينهم اسر كاملة تتكون من الاب والام والابناء.. ورايت هناك ام وبنتها وعدد من الاجانب .. الملاحظ ان عدد البنات في هذه المظاهرة كان كبير نسبياً مما يدل على ان حاجز الخوف قد كسر لدى العشرات من الشباب...
عيب هذه المظاهرة... التنظيم اولاً ونهاية.. فقد كان كل من يريد ان يهتف يهتف.... ليس هناك اشخاص محددون للهتاف.. بالاضافة إلى عدم وجود مسئولين للمظاهرة.. حيث كان كل مجموعة تتكون من عشرة افراد مثلاً تفعل ما تريد... وتحاول الخروج من الحصار الامنى إلى الشارع بلا اى تنظيم.. وهذا لابد من تنظيمه جيداً....
طبعاً ده غير كام واحد كده كانوا بيطلعوا في النص مش عارف بيطلعوا منين كل شوية... ويقعدوا يقوول حزب الله ضرب تل ابيب ورمى مش عارف كام صاروخ على تل ابيب والناس تصرخ وتكبر فاكرة ان ده صح... وشوية واحد تانى يروح طالع زى البتاع كده ويقولك بيان من الجيش الاسرائيلي يعترف بمقتل عشرين مظلياً في معارك مع حزب الله... طبعاً انا رجعت البيت لقيت كل الحاجات دي اى كلام وكلها مش صح...
المحصلة مسيرة جيدة نجحت في لفت الانتباه جيداً لوجودها في احد اهم ميادين القاهرة وللعدد الكبير نسبياً الذي حضر ولكنها فقط تحتاج لبعض التنظيم..
في اثناء المسيرة وقفت مع شباب كثير من الامن الي كانوا لبسين مدنى.. ودول للي ميعرفش بيكونوا تجنيد على فكرة.. يعنى بيعمل كده غصباً عنه ولو معملش بيتحول لمحاكمة عسكرية... غير طبعاً ان الظباط بيعاملوهم وكانهم حيوانات... معاملة في غاية السوء ولا حتى العبيد... المهم وقفت اتلكم مع كثير منهم من الذي كانوا عاملين الحصار الامنى... ووقفت اتناقش معاهم كاخ ليهم ... واحد منهم قالى والله انا لو مكنتش في الجيش كنت جيبت معاكم... وناس تانية بيقولو والله الي احنا بنعمله ده غصباً عننا... وقفت مع واحد منهم وبهزر معاه بقوله... لو الظابط قالك اضرب ابقى خف عليا شوية وكده يعنى... المهم والله دول طيبين جداً والواحد منهم بتلاقى فيه الروح المصرية الي تحب تشوفها في كل شخص... بس مشكلتهم في حاجتين... التوعية بالي بيحصل ...و انهم في الجيش ولو منفذوش هيتحولوا محاكمات عسكرية والظابط بتاعه هينيل عشته.... فالملخص يعنى ان كان في ناس من المظاهرة بتعاملهم كويس عشان عارفين كده وناس تانية بتعاملهم وحش جداً... ودى حاجة غلط جداً... ودى حاجة ضايقتنى فعلاً لان هما في الاول والاخر والله غلاااااابة.... واسيبكم مع الصور..
حسين عبد الغنى مدير مكتب الجزيرة في القاهرة
Labels: متفرقات
posted by shab masry @ 4:44 AM
10 comments
10 Comments:
إللي مستغرباه بقى ان الجزيرة لسه ما جابتش سيرة المظاهرة من امبارح ولا حتى في شريط الأخبار الأحمر
ما اعتقدش حتى إنه جت سيرتها في المنار. واضح ان صوتنا ما كانش عالي كفاية
:)
أنا متفقة معاك على فكرة في موضوع اللي لابسين مدني. أنا ممكن أحلف إنني شفت في عينين بعض منهم نظرة تعاطف و مشاركة
وحاجة كمان شفتها بعيني واحنا بنحاول نخرج من المظاهرة (عشان نمشي يعني مش ناخدها للشارع) كان فيه واحدة ست جمبنا عمالة تشتم الضباط بأكثر الألفاظ بذاءة وبعلو حسها زي ما تكون قاصدة تستفزهم وانا شفت بعيني إن ما حدش فيهم هوّب ناحيتها لغاية ما خرجت. أنا طبعا مش باكدب حد..بس باقول للأمانة اللي عيني شافته
أنا لسه شايفة صور تانية دلوقتي عند أسد
http://asad.blogsome.com/2006/07/27/tahrirdemo/
واضح ان فيه ناس كتير فعلا اتبهدلت واحنا كنا في النص بنتفعص ما خدناش بالنا
لكن برضه أنا مش فاهمة هما إمتى بيقرروا يضربوا ويقلوا أدبهم وإمتى بيسكتوا... يعني الست اللي سبتلهم ميت ملة ودين دي سابوها ليه؟
ولا هما جم في الآخر وزهقوا وعايزين يلموا الموضوع ويروحوا ولا إيه.. ربنا يهد اللي مماشيهم!
Samia, I don't think as you said that your voices are not heard. On the contrary, just give a bit of time and if they didn't show it, this might mean something political maybe.... I really don't know. But for example, everyday in Brussels there are protests in front of the European parliament, and they've showed us on Jazeera although these are small protests of 200 to 300 people. These everyday protests are other than the big protests that happen every week.
يا خلود أنا اللي حيجنني إن حسين عبد الغني مدير مكتب الجزيرة في مصر كان موجود وطالع في الصور ودي كانت مظاهرة كبيرة وناجحة إلى حد كبير مقارنة بالممظاهرات اللي سبقتها. إزاي لغاية دلوقت ما يجيبوش سيرة عنها ؟ أنا ممكن أفهم لما التلفزيون المصري يعمل كده لكن الجزيرة!؟ ليه؟؟
لا هو بالنسبة للناس الى اضربت فهما دول كانوا قليلين ودول بصراحة انا بلقى جزء من اللوم عليهم..
طبعاً مفيش كلام ان الي بيعمله الامن ده مسخرة وتهريج بس هما في الاخر كلهم عبيد لنظام واخدهم عبيد عنده وهما بيتفانوا في خدمته....
الناس الي كانت عايز تخرج دي انا بصراحة مكنتش عارف هيا عايزة تخرج ليه... احنا كنا واخدين مكان كويس جداً في نص الميدان وكل الناس كانت شايفنانا كويس وكنا عاملين لفت نظر لكل الي رايح والي جاي.. لكن مثلاً بعض الناس كسرت حاجز الامن وطلعت فوق الرصيف ...طيب انت كده عملت ايه يعنى.. انت كده سبت موقعك المميز عشان تروح لموقع مش هتبان فيه كويس...
اما لو كانوا عايزين يحولوها من مسيرة لمظاهرة فده طبعاً مكنش ينفع امبارح لان مكنش في ناس مشئولة عن النظام خالص... اى مسيرة قبل ما تتحرك لازم يكون فيها حاجة اسمها لجنة النظام عشان لو اى حد من المتظاهرين تجاوز الحدود او حصل اى ضرب او تكسير او شئ يستطيعوا السيطرة على الموقف.. اما الفوضى بتاعت امبارح دي فمكنتش ينفع تتطلع مسيرة تتحرك في شوارع خالص... دى رايي الشخصى المتواضع..
الظاهر ان سامية فعلا شاغلها
موضوع الجزيرة دة جدا
يا ستى ان شالله ما نشروا اى خبر
مش الجزيرة هيه المقياس
و فعلا الظاهر انكوا كنتوا بتتفعصوا فى النص و مش داريانين باللى حاصل
Mr. Gemyhood
طبعا الجزيرة مش هي المقياس خالص.. لكن شيئ طبيعي ان الواحد يكون مستغرب
أنا متفقة معاك تماما في موضوع التنظيم يا مصري
الجزيرة جابت تقرير عنها لا يتجاوز 20 ثانية في كل من الحصاد وحديث الصباح والجزيرة منتصف اليوم فقط ..!
شوفوا يا شباب فيه مشكله خطيره جدا في اعضاء كفايه
إنهم مش بيحبوا التنظيم وطبعا علي رأسهم المعفن الكبير محمد الشرقاوي مفسد كل المظاهرات
*والله لو كان ظهر في المظاهره دي لكانت فشلت
تاني حاجه إن لسانهم بيفلت وبيحبوا يشتموا ظباط الأمن مش عارف دي حاجه نفسيه تقريبا عندهم وإسألوا واحد مجربهم.
بالنسبه لموضوع الجزيره ، الجزيره جابت بس مش في نفس اليوم ، ودي ساعات بتكون لعده اسباب ، الأولي إن بيكون فيه ضغط أحداث فبيكون الأولويه للخبر الهام ، التاني إنهم عندهم مقياس بيقيسوا بيه العمل في الشارع وعلي أثر ذلك ينزلوا يصوروا وممكن يزيعوها أو يعملوها في برنامج تسجيلي
بس
اه يا حج ميت بتقول ان هما عندهم حاجة غريبة ان هما بيحبوا يشتموا..
وجاى تشتملى في مدونتى يا حبيبي.... بارك الله فيك...
Post a Comment
<< Home