قرفان زهقان المتضايق

اعرفكم بنفسى انا قرفان زهقان المتضايق

اسمى جميل وشاعرى كله تفاؤل..... عارف

 

انا عايش فى منطقه جميله فى العشوائيات

لا ميه ولا كهربا ولا خدمات

مش مهم..... الكوز موجود ولمبة الجاز

 والباقى كماليات

المهم ان ساكنه فوقى البت جمالات

بت مجدع ولا كل الستات

 

اه نسيت اقولكم انى عاطل

بس عاطل بكيفى مش بسبب الحكومه

طيب اتعب نفسى ليه فى شغلانه معدومه

انا بقعد على القهوه من الصبح لغاية المغربيه

ولما بروح الاقى جمالات محضره الملوخيه بالتقليه

بزمتكم قولولى مش عيشه هنيه

 

واحد غلث بقى بيسالنى امال ليه قرفان زهقان مضايق

على راى الواد ريكو بتاع السيما اللى مش عارف وشه من قفاه

اقولكم ولا حطول قولوا طول

اصل الدنيا حر وانا عايز تكييف

قلت اروح اسكندريه لقيتهم قفلوا التصييف

طيب اخد دوش والبس خفيف

دوش ايه ولا فيه ميه ولا صابون تنظيف

 

نزلت الشوارع زحمه وعايز سياره

طبعا اليط بالفطره وغاوى اماره

بس القرشين فى جيبى ميجبوش حماره

طيب ومطبات الشارع تقعد كده محتاره

 

شميت وانا ماشى ريحه كده

خير اللهم اجعله خير ده كباب

ياترى الشمه بكام يا شباب

ولا فحمتين وشوية هباب

بس يا وله مالهم الفول والطعميه

وابعد عن انعرة الكداب

 

مشيت فى الشارع احلم والحلم مش محسوب

نفسى فى شقه محندقه وعروسه وعيلين يا دوب

هو الحلم كتير عليه والغلب كمان مكتوب

امضاء

قرفان زهقان المضايق

بقلم

د.هاله خاطر